首頁  > Blog
《教練,謝謝你!》 - 香港男女子少年排球代表隊 
發佈日期 2022年11月21日
Print Friendly and PDF

關於 | 鄒兆泓 | 梁恩翹 | 劉浩權 | 陳子皓 | 雷子祈 | 李晉瑋梁汶稀林子聰馬家浠林文杰劉穎霖林賀徨李瑋霖

關於《教練,謝謝你!》

踏上排球路總會遇到高低起伏,途中除了自己的努力、隊友的互相扶持外,教練的一字一句,甚或一個舉動,都能推動大家不斷進步,成就今天的你。

《教練,謝謝你!》系列由各香港青少年排球及沙灘排球代表隊球員親自撰寫,旨在表達對啟蒙教練的謝意,分享球員背後,啟蒙教練對他們的影響。同時亦藉此機會表揚這班為本地球壇默默付出,努力培育下一代的教練獻上崇高敬意!

《教練,謝謝你!》逢星期一於香港排球代表隊 Facebook專頁及Instagram刊登,記得follow我地喇!

返回頂部

 

鄒兆泓

謝志文教練,謝謝你!

記得當初中一嘅我對排球一竅不通,甚至連波都未接好,就已經想嘗試殺波,可以話係未學行先學跑。你作為我嘅中學排球教練,就用唔少時間去教我下手到上手,再到一傳,令我明白基本功嘅重要性;其後再進一步去到進攻嘅步伐、動作同時機,你都好有耐心咁去指導我。雖然一開始失敗比成功多,但你總係鼓勵我去繼續嘗試同調整,直到成功,亦喺不知不覺間令我徹底愛上咗排球,同埋更堅定咁走上呢條路。

有你作為我嘅啟蒙教練,係我嘅幸運。感謝你喺排球路上對我講過嘅話,感謝你一直嘅鼓勵以及對我嘅支持,我會繼續努力,突破自己。感謝你,謝Sir!

- 香港男子少年排球隊球員 鄒兆泓



圖: 香港男子少年排球隊球員鄒兆泓(左)及謝志文教練(中)。

返回頂部

梁恩翹

謝謝您,李智忠教練!

回想起就讀小學的時候,經常要做下手動作的訓練,我因感到無聊想放棄,但堅持下去後,最後發現您的教學能為我建立良好的根基,令我可以在您教的基本功下更容易練習不同的技巧。此外,您還教會了我做人的道理,您經常強調人品、態度以及和隊友的關係是最重要。如果態度不好,即使最後贏了球都會被您責罵和懲罰,因此您所教的一切都令我刻骨銘心。

近日有機會與您共膳,得知您教導排球時的辛酸;想當初我十分頑皮,不聽您的教誨,長大後才知道您的用心良苦。沒有當初嚴厲的您,又怎會有現在的我?感謝您,對我一直以來的悉心栽培;感謝您,教導我的人生道理;感謝您,李sir!

- 香港女子少年排球代表隊球員 梁恩翹



圖: 香港女子少年排球代表隊球員梁恩翹(右)及李智忠教練(左)。

返回頂部

劉浩權

趙小良教練,謝謝你!

與其說他是一個教練,不如說是一位人生導師。強調的是態度,並非技術。年輕時的技術和體能只是一瞬間,態度才是一生的。

你曾經對我說:「儘管一匹良馬跑得有多快,若果它不能控制自己的心態情緒。自然就沒有騎師會選擇它。」雖則我未能為球隊帶來好成績,在學校的回憶也不多。但你仍然會對我說教,更多的是對我的厚愛,你的一言一語我都會記在心頭上。相比以往你教導過的學生中,我稱不上很出色,但願在不久將來我能夠成為一個品格體魄兼具的球員,並讓你看到我在排球路及人生路上的成長,開花結果。

- 香港男子少年排球隊球員 劉浩權


圖: 香港男子少年排球代表隊球員劉浩權(左)及趙小良教練(右)。

返回頂部

陳子皓

陳嘉俊教練,謝謝你!

我唔係佢最出色嘅學生,而佢卻是我最尊敬嘅教練。佢係我現時中學階段嘅教練。依位教練除咗喺球場上指點我幼嫩嘅技術外,更會喺放學後留低陪我做額外體能訓練,令我身體質素有進一步提升。你除左係一位好教練,仲為我作為指路明燈既老師。仲記得每次練完體能,返到屋企已經好攰,就會有「聽日唔返學」嘅想法,而你每次都會提我哋唔好因為排球訓練而令自己唔返學,俾藉口自己。加上每次臨近考試,你都會留低我同隊友喺學校溫書,令我哋盡力做好學生嘅責任,唔係返學只掛住打排球。你經常話「我唔係要啲球技好勁嘅學生,我最想係培養有禮貌有責任感嘅學生。」喺之後嘅排球道路上,我會將你嘅說話記喺心裏面,時刻提醒自己。

我想衷心感謝你一直以來嘅教導,希望日後我能成為你理想中嘅好球員。

- 香港男子少年排球隊球員 陳子皓


圖: 香港男子少年排球代表隊球員陳子皓(右)及陳嘉俊教練(左)。

返回頂部

雷子祈

吳婉雯教練,謝謝您!

好多謝您一直以嚟都支持我打排球!您係我排球路上第一位教練,我小學六年級時您接手我哋學校嘅排球隊,一步一步細心地教我哋排球嘅基本技術,例如下手開波同接波等,令我當時先真正知道排球係點樣玩,我亦慢慢愛上排球呢樣運動,並萌生要繼續打排球嘅想法。幾個月之後,您帶我哋參加學界比賽,呢個係我人生第一個排球比賽,雖然結果未如理想,但呢場比賽堅定咗我要行排球路嘅決心。當時您係比賽場邊一直提醒住我哋要堅持到底,唔好咁容易俾個波落地,您個把聲音我一直都銘記於心,每當我企係排球場上,就會用呢一句話點醒自己,提醒自己要盡好本分,做到最好。

我哋曾經約定不久嘅將來要喺排球場上再相見,雖然可能因為種種嘅原因,我哋冇得隔住個網遇見,但我想總有一日會讓您喺看台上見到喺球場上嘅我,成為您引以為傲嘅學生。最後,我好感謝出現係我嘅人生中,使我追夢嘅意志更加堅定,我行嘅路都變得更特別同有趣。 吳老師,我一定唔會令您失望,多謝您!

- 香港女子少年排球隊球員 雷子祈


圖: 香港女子少年排球代表隊球員雷子祈(右)及吳婉雯教練(左)。

返回頂部

 

李晉瑋

梁智皓教練,多謝你!

我人生中遇到一位良師,肯默默耕耘,不求收穫地幫助我。而佢就係梁智皓教練。

多謝你唔單止教識我打波仲教識我做人嘅道理。記得啱啱升上去中學嘅時候,你都係啱啱接手黃允畋,而我一開始入到校隊嘅時候,以為自己比同齡人打多幾年波,就高人一等咁。令到自己好囂張同埋好容易自滿,最後搞到冇人尊重自己,而且我都成日唔將你講過嘅嘢放入心,左耳入右耳出,直至我開始撞板同埋冇進步。但好彩你一直都冇放棄我,仲好用心繼續教我打波。最記得你同我講過一句說話「能力越大,責任越大」,雖然依句人人都知,但我有一直放喺心。而且教練您仲繼續不斷諄諄教導我,真係好感激你喺我打波生涯最低谷嘅時候拉返我上嚟,將一個囂張同埋自滿嘅人改變成一個識得檢討自己同埋尊重別人嘅球員,而且開咗燃青呢隊波嘅時候,教練您俾我入隊,令我可以繼續跟你學習。最後我知自己同你對我嘅期望仲有好大落差,不過我會繼續努力,成為你心目中出色嘅球員!

- 香港男子少年排球隊球員 李晉瑋


圖: 香港男子少年排球代表隊球員李晉瑋(右)及梁智皓教練(左)。

返回頂部

 

梁汶稀

陳靖媛教練,謝謝你!

陳老師~陳教練~謝謝你將我從那個愛哭鬧的女孩成為一位在排球場上充滿自信的球員,你教會我無論在排球場上還是學業上都保持那顆自信心。

在我二年級轉校後,緣份使我遇見了你,是你這位伯樂親手把我帶進了這個排球世界,在這裏我能夠找到真正的快樂,同時亦開啟了我的排球生涯。說你是一位風趣的教練,倒不如說你是一位詼諧幽默的「好朋友」。還記得我三年級第一次學界比賽時,我感到十分不安焦急,是你在我耳邊輕輕說一句:「我比信心你!」。就是因為這一句說話,這一個眼神,使我在往後的每一場比賽都會想起有你在給予我信心,令我更安心投入比賽。這顆自信心讓我對排球有了熱誠和衝勁。

你的一個擁抱,一句鼓勵,一個笑容,一個眼神,成就了今天的我。雖然身份不同了,但感謝你到今天依然在我背後做我的後盾,依然願意耐心聆聽我心裏的說話。每當我有困難時,你都會盡你的能力來幫助我,我能夠在排球路上走到這一步,都是你一直無私的教導,謝謝你到今天依然伴我左右,使我這顆自信心永不變。

Miss Chan Chan,謝謝你!

- 香港女子少年排球隊球員 梁汶稀



圖: 香港女子少年排球代表隊球員梁汶稀(前)及陳靖媛教練(後)。


返回頂部



林子聰

戴嘉傑教練,謝謝你!

“A for attitude not ability “ 這是我中學排球隊印在訓練球衣上的一句句子。也許對別人來說只是一句再普通不過的句子,但對我來說卻意義非凡……

這是教練你想對我說的話。

記得我曾經有一段時間經常練習遲到,即使在練習中也毫不認真 (可能是因為自己那時是代表隊,心態上認為自己高人一等) 。在一次比賽後你突然叫停我,經過一輪談話後,你的眼淚奪眶而出,因為你認為是你教導有問題令我出現負面的轉變,而我亦因此感到非常抱歉、後悔。過了一陣子,平復心情的你開始向我講述訓練球衣的由來,「在我設計這件訓練球衣時,我第一個想起的就是你,當中的英文句子也是我很想對你說的話。」我聽到這句話後百感交集,認為自己真的辜負了你的信任,最後決志要改變!

後來我也決定遵從你的教誨,在對待任何一件事上要有正面態度,就算是微不足道的也一樣。「因為能力並不代表一切」這是你告訴我的。

很慶幸我人生中能夠遇到你。你並不是我接觸排球的第一個教練,卻是一位讓我獲益良多的好教練!不論是在排球路上,你教給我各種技術,令我從一個甚麼都不懂的新手,成為現在可以獨當一面的球員;或是人生道路上,讓我了解正確的人生觀,從而找到屬於自己的人生目標。你說過的每一句話都在我心中留下深刻的印記。請原諒再不厭其煩地說多一次:「戴嘉傑教練,謝謝你!」

- 香港男子少年排球隊球員 林子聰

圖: 香港男子少年排球代表隊球員林子聰(右)及戴嘉傑教練(左)。

返回頂部

 

馬家浠

葉寶林教練,謝謝你!

寶林Sir係我喺香港女子少年排球隊嘅教練,佢俾我嘅第一印象係呢個人好嚴厲好惡,感覺如果做錯動作就一定會俾佢鬧。我記得第一次見到寶林Sir,係入選第一階段嘅第一次練習,對我嚟講真係好尷尬,因為我第一次練習之前咁啱做完手術需要請假,感覺唔係太好但係又冇辦法,加上第一次見到寶林Sir,真係會好驚㗎!

經過持續差唔多半年嘅練習,由第一階段去到第二階段,我發現寶林Sir其實好nice,有時仲好搞笑,令我地嘅練習成日都充滿笑聲。我喺寶林Sir身上學到對待練習嘅熱誠同真心,明白到打波要有heart同有團火,如果得個軀殼嚟練波,個心唔知飄咗去邊,練習完就只有「攰」呢個感受;相反地有heart咁去練習雖然都會攰,但係同時都會帶嚟一種滿足感。我記得寶林Sir成日講熱誠係重要嘅,有熱誠先會盡力去完成每一個練習,呢句係令我覺得最深刻嘅說話,令到我不斷去反思。佢教導嘅熱誠感染到我,令我都想成為好似佢咁有目標同有幹勁嘅人。

寶林Sir,多謝你教識我無論係技術上定係態度上嘅知識,希望以後有更加多嘅機會跟你學嘢!

- 香港女子少年排球隊球員 馬家浠

圖: 香港女子少年排球代表隊球員馬家浠(左)及葉寶林教練(右)。

返回頂部

 

林文杰

梁美殷教練,謝謝你!

佢係我嘅小學教練,仲記得小學二年級第一次接觸排球呢項運動,我仲係一個咩都唔識嘅無名小子,每日只會出去同朋友出街玩,唔會自動自覺坐定定喺度溫書準備考試。但係自從我接觸左排球之後,我成日會為左可以去練排球,逼自己係練波之前做好功課。你教識我咩嘢係堅持,你講過做人需要「永不放棄」嘅精神。仲記得小五嗰年,我發揮失常,無緣全港排球決賽,被你係咁鬧,所以自從嗰陣時起,我偷偷向你保證我一定會係下一年攞返嗰冠軍返來,因為我唔想我地被人地睇死;我要證明俾佢哋知,我地一定可以做到,只要永不放棄的精神,便可以取到成功。沒有昔日嘅你,就沒有今天嘅我。謝謝你!

- 香港男子少年排球代表隊球員 林文杰

圖: 香港男子少年排球代表隊球員林文杰(右)及梁美殷教練(左)。

返回頂部

 

劉穎霖

張秋玲教練,謝謝你!

還記得中一初次見面,當時的我對打排球可說是一竅不通,在你悉心的教導下,我才得以逐漸進步。由發球、下手的姿勢、攻擊的步法到比賽中和隊友的配合,你不厭其煩地一遍遍指導,細心地糾正我。除了球技,你還教會了我團隊的意義和應有的練習態度。在我氣餒的時候,你教我要堅持、不能放棄;在我迷惘的時候,你教我要相信自己;在我感到失望的時候,你會安慰和鼓勵我。你的話語不知不覺地影響著我,使我變得堅強堅毅,更令我徹底愛上排球這項運動。謝謝你總是拋開手上忙碌的事,抽出時間,先解決我的疑難需要。謝謝你和我分享的經驗,教我的道理,令我獲益良多。謝謝你對我的栽培,我會將你的教誨銘記於心,成為一個更優秀的運動員。謝謝你,沒有你就不會有現在的我。

- 香港女子少年排球隊球員 劉穎霖

圖: 香港女子少年排球代表隊球員劉穎霖(右一)及張秋玲教練(左二)。

返回頂部

 

林賀徨

陳皓宜教練,謝謝你!

好幸運有你作為我排球路上嘅啟蒙教練,由我初初開始接觸排球,你落手落腳去教,由下手到上手,再去到每一個殺波動作,讓我明白基本功嘅重要性,為我日後嘅排球路上奠定基礎。我嘅成就未算大,但你絕對係一個對我影響深遠嘅人,我哋相處時間只有短短兩年,呢段期間你不斷推動我前進,我哋一齊成長一齊進步,你教識我一隊人要齊上齊落,記得你講過:「排球係一個團隊運動,少一個人都唔得」,多謝你一路支持我去嘗試任何挑戰,唔好遇到困難就退縮,不斷給予我意見,讓我在排球路上,茁壯成長。

- 香港男子少年排球代表隊球員 林賀徨

圖: 香港男子少年排球代表隊球員林賀徨(左)及陳皓宜教練(右)。

返回頂部

 

李瑋霖

謝兆基教練,謝謝你!

謝sir係我小學四年排球生涯嘅教練。 佢成日同我地講「只要個波一日唔落地,場比賽一日都未完。」呢一句真係令我一直記喺心裡面,都係因為呢句說話令我打排球堅持到宜家。 我同教練最難忘嘅一場比賽,可能就係我地反勝嘅一場比賽,亦係我最後一次嘅小學學界比賽。 前一年我地輸咗畀一直以嚟嘅對手,今年都係對返佢地。 而今次嘅比賽,往日睇落輕鬆嘅教練,都喺佢臉上睇到一絲緊張。 雖然我地先輸一局,但不論場內嘅隊友,定係教練都唔放棄,最後我地追返分數之後反勝。 可能係大家眼中係好普通平凡既比賽,但呢場比賽應該係我堅持落去嘅開始吧。 謝sir,多謝你! 如果冇你一開始嘅教導,就冇宜家一路堅持打排球嘅我!

- 香港女子少年排球隊球員 李瑋霖

圖: 香港女子少年排球代表隊球員李瑋霖(右)及謝兆基教練(左)。

返回頂部

 

 

Print Friendly and PDF
Copyright © 2022 Volleyball Association of Hong Kong, China Limited. 版權所有 不得轉載
Copyright © 2022 Volleyball Association of Hong Kong, China Limited. 版權所有 不得轉載